HOAX atawa karamput, Guru Y.S. Agus Suseno pinanya lebih katuju manyambatnya waluh, mulai Ratna Sarumpaet mahambat ka mana-mana. Kita malihat drama nang bujur-bujur layak dipandirakan salajur ditawa’akan. Pada satu higa, ulun salut wan kewanian Ratna mengakui bahwa inya baulah hoax. Bukan sahibar hoax, tapi malahan hoax terbaik. Hoax terbaik nang jelas disambatnya tanpa acungan jempol macam Boboiboy dengan kurihingnya.

Perlu kewanian mengaku bahwa kita pribadi bakaramput. Kewanian nang wahini pinanya makin jarang kelihatan. Urang sangat gampang ma-share hoax karena nalar kritis tu mahal. Di tengah baluran hoax di sosmed, antara fakta wan fiksi tacampur-aduk kada karuan. Ini balum ditambahi lawan beberapa waktu lalu seorang filsuf dari Depok nang orgasme maruday babuang liur basi antara fiksi wan fiktif. Umur Ratna nang sudah tujuh digit, sungguh meulah kaning bakaranyit. Sebagai urang nang jadi datu, sabujurnya sidin ni saharusnya manggaduhi cucu aja lagi, banyak bazikir wan baca Quraan baik lagi baca kitab kuning. Tapi, sidin ni bujur die hard pulitak-pulitik. Melanjutkan pengakuannya bahwa sidin baulah hoax, sepekan lewat, ni hanyar aja sidin menegaskan bahwa karamput sidin ini kada usah ditarik ka mana-mana. Cukup habis di hidin haja. Kuasa hukum sidin membacakan stetmen ini di ILC, TV One, arahan Karni Ilyas.

Di higa nang lain, ulun pina konfiyus (baca: confuse) malihat datu lain nang umpat tapalit tahi larut mulai Ratna. Siapa datu ngitu? Sada lain, tokoh Reformasi cum Partai allah (muhun maaf, ulun kada wani manulis pakai huruf capital), Amien Rais. Sidin ni handak dipanggil sebagai saksi kasus hoax Ratna ke Polda Metro. Karna ihwal ini, buhan PA 212, nang jelas-jelas lain Wiro Sableng, kukuriak manyambat ada kriminalisasi. Buhannya ini ujar siap mengawal Amien Rais sebanyak 500 urang. Dan, ini kada demo, wan kada anarkis. Buhannya ini siap mahadangi Mbah Amien nang diperiksa wan mamastiakan sidin kada ditahan. Mantaf banar kalo, 500 urang, kada demo itu, dangarakan nitu Tuh ai.

Uh, mun mangawal tu, lima ikungan urang cukup ai sudah. Mun saratus kada mangawal lagi ngarannya. Itu bakarumbung sudah sambatannya. Apatah lagi amun sampai lima ratus. Bagarumbul ngitu poenja seboetan. Sebagai sesama datu, saharusnya sidin ngini mancuntuhakan gasan kita nang anum-anum ini kewanian mahadapi secara saurangan. Tapi ngarannya pulitik lah, singkatannya ‘kan bakumpul bubuhan itik. Itik tu mana ada manyaurangan. Itik tu bakarumbung ja tarus, iyakah?

Kalakuan buhan PA 212 ini kawa disambat sebagai mobokrasi, lain demokrasi. Tatakunan nang layak diujarakan di sini: Apakah kebenaran kawa diperjuangkan dengan mobokrasi? Ulun ragu. Bubuhan mobokrat ini merasa dirinya berpijak di atas kebenaran. Tapi, tentu saja kebenaran versinya saurang. Orang lain beluman tentu me’anggapnya benar. Khususnya buhannya nang meniring bahwa mobokrasi bukanlah demokrasi.

Mobokrasi lazimnya lahir mulai rahim demagog. Demagog adalah urang nang antikritik wan mendaku kebenarannya mutlak. Bila seorang demagog kawa menerima kritik, ke-demagog-annya diragukan. Baik demagog maupun anaknya mobokrasi jelas merupakan musuh demokrasi. Dimapa? Karna demokrasi meniscayakan adanya kritik nang beradab wan argumentatif, sedangkan mobokrasi menanggalkan akal wan mengusung kemarahan sebagai alatnya. Mobokrasi kada pakai argumentasi nang objektif, melainkan rasionalisasi betapa pun picik argumentasinya.

Mobokrasi lah nang bikin urang kada gentlemen. Dikit-dikit bagarumbulan. Kuriakan kriminalisasi wan kriminalisasi. Saikit-saikit tasinggung. Panyinggungan banar nyawa neeh. Kada suah didatangi datu kami datu buhaya kah? Ihh, dasar kada suah leh.

Sadangi sudah bubuhan datu ai nang di subarang pulau sana. Disadangani kaduniaan tu. Umur kada babau jar urang bahari. Tapi pulang, ujar umur ampat puluh tu perbatasan leh. Mun kawa babaik, insya 4WI husnul khotimah, mun tatap ha kada karuan tampuh, luku ai su’ul khotimah.

Sebagai pengingat gasan saurang, ada sabda junjungan kita Rasul SAW, “Seorang mukmin tu baisi tabiat atas segala sifat aib kecuali khianat wan dusta.” (HR. al-Bazzaar). Arkian, mudahan banua kita dijauhakan mulai sifat pangaramputan wan [email protected]

Facebook Comments
Artikel sebelumnyaFENOMENA HAJI DI LANTAI DISKOTEK
Artikel berikutnya“GARUNUM” SASTRAWAN BANUA DAN PIKIRAN YANG BEBAL
Riza Bahtiar
Pria dengan wajah ruwet ini lahir di Tanjung, Tabalong, Kalimantan Selatan pada 27 Oktober 1977. Pernah kuliah di Institut Agama Islam Negeri Antasari Banjarmasin Fakultas Ushuluddin jurusan Aqidah dan Filsafat. Belum sempat lulus, keburu bosan, lantas pindah ke Jakarta. Berhasil lulus kuliah di IAIN Jakarta yang berubah jadi UIN ini pada 2002. Pernah aktif sebagai aktivis prodem dan coordinator Forum Study MaKAR (Manba’ul Afkar) Ciputat, aktivis di Desantara Institute for Cultural Studies, voluntir peneliti di Interseksi Foundation. Karena tidak betah menjomblo di Jakarta, pulang kampung pada 2006 sampai sekarang. Pada 2008 sempat menerbitkan Iloen Tabalong, satu-satunya media berbahasa Banjar se-Kalimantan dan gratis. Wahini sehari-hari bekerja di PLTU Tabalong. Hobi baca buku, diskusi, wiridan dan Tai Chi.