BASULUT SANJA

ari tarang bahindang
bigi mata pangrasa ramang
maningau langit kudum hirang
ujan panas balangkuk balahindang

wayah talapak turun ka pitak
pangrasa banyu mata tasanggak
rawai-rawaian malinjang jajak
rahatan ari bamula basilak

kutingau tumatan hintadi
kambang marakah baputik sari
wayah sanja basulut mamajah ari

2021


BULAN SALAU-SALAU

rahat malam bamula basilak
tadingur arum culan malarak
di katungkung linut gagarasak

batang banyu kada burinik
angin maatar rintik nang titik
mambari gair manjanaki idup
nang sasain camuh langlap

Facebook Comments